काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार १६.३० अंकले घटेको हो ।
मंगलबार बजार परिसुचक २८३५.५८ अंकको बिन्दुमा पुगेर बन्द भएको छ । आज कारोबार रकम भने वृद्धि भएको छ । आज ६ अर्ब २८ करोड ७२ लाख १७ हजार बराबरको सेयर कारोबार भएको छ ।
आज व्यापार समूह २.६८ अंक, होटेल तथा पर्यटन ३.७४, निर्जीवन बीमा ५६.२२, उत्पादक तथा प्रशोधन २७.५४ र म्यूचुअल फण्ड ०.०८ अंकले वृद्धि भएको छ । यी बाहेका अन्य समूह राताम्मे बनेका छन् ।
उक्त दिन सबैभन्दा बढी अरुण भ्याली हाइड्रोपावर कम्पनीको ३५ करोड ८५ लाख १२ हजार रुपैयाँ बराबरको कारोबार भएको छ ।
कारोबार रकमकै आधारमा दोस्रो स्थानमा रहेको अपि पावरको ३३ करोड २ लाख ८० हजार रुपैयाँ बराबरको सेयर खरिदबिक्री भएको छ ।
यस्तै, आज नेपाल इन्फ्रास्ट्रक्चर बैंकको ३२ करोड ३३ लाख १ हजार, अपर तामाकोशीको ३२ करोड ८ लाख र एचआईडीसीएलको ३० करोड १२ लाख ५१ हजार रुपैयाँ बराबरको सेयर कारोबार भएको छ ।
वि.सं.२०७८ माघ २५ मंगलवार १५:१९ मा प्रकाशित