काठमाडौं । साताको अन्तिम कारोबार दिन सानिमा लाइफ इन्स्योरेन्स कम्पनीको सेयर मूल्य झिनो वृद्धि भएको छ । आज कम्पनीको सेयर मूल्य ०.७२ प्रतिशतले वृद्धि भएको हो ।
बिहीवार कम्पनीको सेयर मूल्य प्रतिकित्ता ४ रुपैयाँ २० पैसाले वृद्धि भएको हो । योसंगै आज कम्पनीको सेयर मूल्य ५८७ रुपैयाँ ३० पैसा कायम भएको छ ।
नेपाल स्टक एक्सचेञ्ज(नेप्से)का अनुसार आज कम्पनीको १ करोड ४० लाख ६६ हजार रुपैयाँ बराबरको सेयर कारोबार भएको छ । उक्त दिन कम्पनीको २३ हजार ९३१ कित्ता सेयर किनबेच भएको हो ।
यसैविच कम्पनीले बिहीबार चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
विहीबार कम्पनीले सार्वजनिक गरेको वित्तीय विवरण अनुसार कम्पनीको चालु आवको पुस मसान्तसम्ममा ९ करोड ३९ लाख ७९ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिका तुलनामा ६९.३५ प्रतिशतले बढी हो । गत वर्षको पुस मसान्तसम्ममा कम्पनीले ५ करोड ५४ लाख ९१ हजार रुपैयाँ खुद नाफा गरेको थियो ।
कम्पनीले यस आवमा कुल बीमा शुल्क आर्जन २१.३२ प्रतिशतले वृद्धि भई १ अर्ब १७ करोड ८८ लाख रुपैयाँ पुगेको छ । गत वर्षको सोही अवधिमा कम्पनीले ९७ करोड १६ लाख रुपैयाँ बीमा शुल्क आर्जन गरेको थियो ।
चालु आवको ६ महिनाको अवधिमा कम्पनीले १३ करोड ८३ लाख ९५ हजार रुपैयाँ दावी भुक्तानी गरेको छ । जसको संख्यामा भने १ हजार २४२ रहेको छ ।
कम्पनीको चुक्ता पुँजी २ अर्ब रुपैयाँ रहेको छ । कम्पनीले जगेडा तथा कोषमा ३३ करोड २३ लाख ४६ हजार, जीवन बीमा कोषमा २ अर्ब ८२ करोड ९५ लाख ५० हजारर महाविपत्ति जगेडामा ३ करोड ४९ लाख ५२ हजार रुपैयाँ राखेको छ ।
कम्पनीको प्रतिसेयर आम्दानी ९ रुपैयाँ ३९ पैसा र प्रतिसेयर नेटवर्थ ११८ रुपैयाँ ३७ पैसा रहेको छ ।
वि.सं.२०७८ माघ २७ बिहीवार १६:०५ मा प्रकाशित
