काठमाडौँ । साताको दोस्रो कारोबार दिन आज सेयर बजार सामान्य बढेर बन्द भएको छ । यो दिन बजार ०.०८ अंकले २७००.९८ बिन्दुमा बन्द भएको हो ।
इन्ट्रा डे कारोबारमा निकै उचारचढाव देखिए पनि कारोबार समयको अन्त्यतिर भने विस्तारै गति लिइ बजार बढेर बन्द भएको छ ।
यो दिन नेप्से परिसूचक माथि २७२९.२९ बिन्दू र तल २६९४.३१ बिन्दूसम्म पुगेको हो ।
यो दिन १ सय ११ कम्पनीको सेयरमूल्यमा वृद्धि हुँदा ६९ कम्पनीको घटेको छ भने ११ कम्पनीको सेयर मूल्य स्थिर रहेको छ ।
यो दिन १ सय ९१ कम्पनीका साथमा थप थप ३६ ऋणपत्र तथा फण्डहरुको गरि २२७ स्क्रिप्टको ७५ लाख ४९ हजार ७ सय ७९ कित्ता सेयर बिक्रि भएको छ ।
नेप्से सूचक हरियो देखिएपनि कारोबार रकम भने यो दिन घटेको छ । यो दिन मात्रै ३ अर्ब ६८ करोड ४० लाख रुपैयाँ बराबरको कारोबार भएको छ । जबकी अघिल्लो दिन सय अंकले घटेको बजारमा पनि करिब ६ अर्बको कारोबार भएको थियो ।
वि.सं.२०७८ फागुन २ सोमवार १५:२१ मा प्रकाशित