काठमाडौं । पछिल्लो एक सातामा सुनको मूल्य झनै महंगिएको छ । यस साता नेपाली बजारमा छापावाला सुनको मूल्य तोलामा १ हजार १ सय रुपैयाँले बढेको हो ।
अघिल्लो शुक्रबार अर्थात चैत ४ गते प्रतितोला ९९ हजार ८ सय रुपैयाँमा कारोबार भएको सुन यस साताको अन्तिम कारोबार दिनसम्म आईपुग्दा १ लाख नाघेको छ । यस साताको अन्तिम कारोबार दिन सुन बढेर १ लाख ९ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
यस्तै, गत साताको अन्तिम कारोबार दिन ९९ हजार ३ सय रुपैयाँमा खरिदबिक्री भएको तेजावी सुन यस साताको सोही अवधिमा आईपुग्दा बढेर १ लाख ४ सय रुपैयाँ कायम भएको हो ।
उक्त अवधिमा चाँदीको मूल्यमा पनि बढोत्तरी देखिएको छ । यस साता चाँदी तोलामा १५ रुपैयाँले वृद्धि भएको हो । अघिल्लो साताको अन्तिम कारोबार दिन १ हजार ३८५ रुपैयाँमा खरिदबिक्री भएको चाँदी १ हजार ४ सय रुपैयाँ पुगेको छ ।
वि.सं.२०७८ चैत १२ शनिवार ०८:२६ मा प्रकाशित
