काठमाडौं । हिमाल दोलखा हाइड्रोपावर कम्पनीले साधारण सभाका लागि मिति तय गरेको छ । कम्पनीले आउँदो भदौ ३ गते दुई आर्थिक वर्षको वार्षिक साधारण सभा गर्ने भएको हो ।
कम्पनीको साउन १३ बसेको सञ्चालक समितिको बैठकले १३ औं र १४ औं वार्षिक साधारण सभा गर्ने निणर्य गरेको हो ।
सभा हकप्रद सेयर निष्काशन गर्ने विशेष प्रस्ताव रहेको छ । कम्पनीले ७५ प्रतिशत हकप्रद सेयर जारी गर्ने विशेष प्रस्ताव सभामा लैजाने भएको छ ।
कम्पनीले हाल कायम १ अर्ब ६० करोड रुपैयाँ चुक्तापूँजीको ७५ प्रतिशत अर्थात् १ बराबर ०.७५ कित्ता सेयर अनुपातमा हकप्रद सेयर निष्काशन गर्ने भएको हो ।
कम्पनीको सभाले दुई आर्थिक वर्ष २०७६ /७७ र २०७७/७८ को वार्षिक प्रतिवेदन पारित गर्नेछ । यसका साथै सभामा कम्पनीको संस्थापक सेयरधनीहरुको तर्फबाट तीन जना र सर्वसाधारणतर्फबाट दुई जना सञ्चालक नियुक्ति गर्ने प्रस्ताव रहेको छ ।
सोही सभाले वमा आव २०७८/७९को लागि लेखा परीक्षक नियुक्ति र निजको पारिश्रमिक निर्धारण गर्ने लगायतका प्रस्ताव पारित गर्नेछ ।
वि.सं.२०७९ साउन १५ आइतवार १०:४३ मा प्रकाशित
