काठमाडौं । नेशनल हाइड्रोपावर कम्पनीले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार गत आवमा कम्पनी १ करोड ७४ लाख ३७ हजार रुपैयाँ नोक्सानीमा देखिएको छ । अघिल्लो आवको चौंथो त्रैमासको तुलनमा भने कम्पनीले नोक्सानी घटाएको हो । अघिल्लो आवको सोही अवधिमा पनि कम्पनी २ करोड २१ लाख ८२ हजार रुपैयाँ नोक्सानी रहेको थियो ।
गत आवमा कम्पनीको आम्दानी भने ९३.५० प्रतिशतले वृद्धि भई ४ करोड ९१ लाख ७७ हजार रुपैयाँ पुगेको छ । अघिल्लो आवमा कम्पनीले २ करोड ५४ लाख १४ हजार रुपैयाँ आम्दानी गरेको थियो ।
कम्पनीको चुक्ता पुँजी १ अर्ब ६४ करोड २५ लाख १६ हजार रुपैयाँ रहेको छ । कम्पनीले जगेडा तथा कोषमा भने १ करोड ७० लाख २८ हजार रुपैयाँ राखेको छ ।
कम्पनीको प्रतिसेयर आम्दानी ८६ पैसा रहेको छ भने प्रतिसेयर नेटवर्थ १ रुपैयाँ ९४ पैसा रहेको छ ।
वि.सं.२०७९ साउन १५ आइतवार ११:२७ मा प्रकाशित