काठमाडौं । आँखु खोला जलविद्युत कम्पनीले करिब साढे २ करोड नाफा कमाएको छ ।
कम्पनीले आइतबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले २ करोड ४८ लाख १२ हजार रुपैयाँ नाफा कमाएको छ । जुन अघिल्लो आवको चौंथो त्रैमासको तुलनामा २२५८.६५ प्रतिशत अर्थात साढे २३ गुणाले बढी हो । अघिल्लो आवमा कम्पनीले १० लाख ५२ हजार रुपैयाँ नाफा कमाएको थियो ।
उक्त अवधिमा कम्पनीको विद्युत बिक्री आम्दानी पनि १५.१९ प्रतिशतले वृद्धि भई २२ करोड २९ लाख ८२ हजार रुपैयाँ पुगेको छ । अघिल्लो आवको असार मसान्तसम्ममा कम्पनीले विद्युत बिक्रीबाट १९ करोड ३५ लाख ७८ हजार रुपैयाँ आम्दानी गरेको थियो ।
कम्पनीको चुक्ता पुँजी ८० करोड रुपैयाँ रहेको छ । कम्पनीले जगेडा तथा कोषमा भने ५६ करोड १४ लाख ७ हजार रुपैयाँ राखेको छ ।
कम्पनीको प्रतिसेयर आम्दानी पनि वृद्धि भएको छ । गत आवमा कम्पनीको यो आम्दानी २ रुपैयाँ ९७ पैसाले वृद्धि भई ३ रुपैयाँ १० पैसा कायम भएको छ । प्रतिसेयर नेवटर्थ भने ७० रुपैयाँ १८ पैसा कायम भएको छ ।
वि.सं.२०७९ साउन १५ आइतवार १३:०६ मा प्रकाशित