काठमाडौं । स्वरोजगार लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले गत अवामा २० करोड २६ लाख २९ हजार रुपैयाँ नाफा कमाएको छ । जुन अघिल्लो आवमो सोही अवधिको तुलनामा भने ३१.३० प्रतिशतले बढी हो । अघिल्लो आवमा कम्पनीले १५ करोड ४३ लाख २१ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि २५.७३ प्रतिशतले वृद्धि भई ४२ करोड ७७ लाख ६० हजार रुपैयाँ कायम भएको छ ।
गत आवमा बैंकको संचालन मुनाफा पनि ८६.३७ प्रतिशतले वृद्धि भई ४२ करोड ७७ लाख ६० हजार रुपैयाँ पुगेको छ ।
कम्पनीको चुक्ता पुँजी ५१ करोड ४० लाख ९९ हजार रुपैयाँ रहेको छ । कम्पनीको जगेडा तथा कोषमा भने २९ करोड ६० लाख १० हजार रुपैयाँ रहेको छ ।
अघिल्लो आवमा २.६३ प्रतिशत रहेको खराब कर्जा गत आवमा भने भने घटाएर २.३७ प्रतिशतमा झारेको छ ।
कम्पनीको प्रतिसेयर आम्दानी ३९ रुपैयाँ ४१ पैसा ( वार्षिकीकरण) र प्रतिसेयर नेटवर्थ १५७ रुपैयाँ ५८ पैसा कायम भएको छ ।
वि.सं.२०७९ साउन २२ आइतवार १२:१६ मा प्रकाशित
