काठमाडौं। साताको दोस्रो कारोबार दिन सेयर बजारमा गिरावट आएको छ । आज बजार १७.६७ अंकले घटेको हो ।
उक्त दिन बजार परिसुचक नेप्से २१०६.१६ अंकको बिन्दुमा पुगेर बन्द भएको छ । आज उत्पादक तथा प्रशोधन समूह ६.६४ अंक र म्चुचुअल फण्ड ०.०४ अंकले वृद्धि भएको छ । यी बाहेकका सबै समूहहरु राताम्मे बनेका छन् ।
उक्त दिन कारोबार रकममा भने वृद्धि देखिएको छ । आज २ अर्ब ८५ करोड ७० लाख ७२ हजार रुपैयाँ बराबरको सेयर कारोबार भएको छ ।
उक्त दिन शिवम सिमेन्टको सबैभन्दा बढी २० करोड ७१ लाख ६८ हजार रुपैयाँ बराबरको सेयर कारोबार भएको छ ।
कारोबार रकमको आधारमा दोस्रो स्थानमा रहेको नबिल बैंकको १० करोड ८५ लाख ४३ हजार रुपैयाँ बराबरको सेयर खरिदबिक्री भएको छ ।
वि.सं.२०७९ साउन २३ सोमवार १५:१२ मा प्रकाशित
