काठमाडौं । उन्नती सहकार्य लघुवित्त वित्तीय संस्थाले पौने चार करोड नाफा कमाएको छ ।
कम्पनीले बिहीबार प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ३ करोड ८८ लाख ५८ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने ५४.६६ प्रतिशतले कमी हो । अघिल्लो आवमा कम्पनीले ८ करोड ५७ लाख १४ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी पनि १४. १६ प्रतिशतले घटेर २१ करोड १८ लाख ८७ हजार रुपैयाँ कायम भएको छ। उक्त अवधिमा कम्पनीको संचालन नाफामा पनि ६०.६८ प्रतिशतको गिरावट आई ५ करोड ३४ लाख ९५ हजार रुपैयाँ कायम भएको छ ।
कम्पनीको चुक्ता पुँजी ३३ करोड ९० लाख २० हजार रुपैयाँ रहेको छ । कम्पनीले जगेडा तथा कोषमा भने ९ करोड ९ लाख २५ हजार रुपैयाँ राखेको छ ।
कम्पनीको खराब कर्जा पनि वृद्धि भएको छ । अघिल्लो आवमा २.३२ प्रतिशत रहेको खराब कर्जा गत आवमा भने ३.३० प्रतिशत पुगेको छ ।
कम्पनीको प्रतिसेयर आम्दानी १६ रुपैयाँ ९७ पैसा र प्रतिसेयर नेटवर्थ १३९ रुपैयाँ ७० पैसा रहेको छ ।
वि.सं.२०७९ साउन २६ बिहीवार १२:२० मा प्रकाशित
