काठमाडौं । प्राइम लाइफ इन्स्योरेन्सले सेयरधनीहरुलाई लाभांश घोषणा गरेको छ । कम्पनीको बुधबार बसेको सञ्चालक समितिको बैठकले १३ प्रतिशत बोनस सेयर दिने घोषणा गरेको हो ।
यस्तै, कम्पनीले उक्त बोनस सेयरमा लाग्ने कर प्रयोजनका लागि १ करोड ९० लाख १८ हजार रुपैयाँ नगद लाभांश पनि दिने घोषणा गरेको छ ।
प्रस्तावित बोनस तथा नगद लाभांश नियामक बिमा समिति र आगामी वार्षिक साधारण सभाबाट अनुमोदन गरेपछि वितरण गरिने प्राइम लाइफले जानकारी गराएको छ ।
वि.सं.२०७९ कात्तिक ३ बिहीवार ११:३८ मा प्रकाशित