काठमाडौं । आशा लघुवित्त वित्तीय संस्थाले आज सोमबार पुस ४ गते देखि संस्थापक समूहको सेयर बिक्रीमा ल्याएको छ ।
लघुवित्तले ६६ हजार ९९० कित्ता सेयर बिक्री खुला गरेको हो । संस्थाले प्रतिकित्ता सेयरको न्यूनतम भाउ ३९५ रुपैयाँ तोकेको छ । तसर्थ, लगानीकर्ताले ३९५ रुपैयाँलाई आधार मानेर सो भन्दा बढी मूल्य कबोल गरी बोलपत्र पेश गर्नुपर्नेछ ।
यसमा लघुवित्तकै संस्थापक सेयरधनी, अन्य व्यक्ति, कम्पनी तथा विभिन्न संघ संस्थाहरुले आज सोमबारबाट ७ दिन भित्र संस्थाको केन्द्रीय कार्यालय, ककनी–६, नुवाकोटमा आवेदन पेश गर्नुपर्नेछ ।
यसअघि विद्यमान संस्थापकले सेयर खरीद नगरेपछि उक्त सेयर आम सर्वसाधारणले समेर खरीद गर्न मिल्ने गरी बिक्री खुला गरिएको हो ।
वि.सं.२०७९ पुस ४ सोमवार १४:१७ मा प्रकाशित
