काठमाडौं । नेपाल टेलिकम कम्पनी लिमिटेडले शेयरधनीहरुलाई लाभांश घोषणा गरेको । कम्पनीले गत वर्षको नाफाबाट लगानीकर्तालाई ४० रुपैंया नगद लाभांश दिने भएको हो ।
उक्त लाभांश पारित गर्न यसले पुस २८ गते साधारण सभा डाकेको छ । सभा राष्ट्रिय सभा गृह प्रदर्शनीमार्ग काठमाडौंमा बिहान ११ बजेदेखि सुरु हुनेछ ।
सभाले आफ्ना शेयरधनीहरुलाई प्रतिशेयर ४० रुपैंयाका दरले नगद लाभांश वितरण गर्ने विशेष प्रस्ताव पारित गर्नेछ। त्यसका साथै लेखापरीक्षक नियुक्त गर्ने, गत आर्थिक वर्षको वित्तीय विवरण स्वीकृत गर्ने लगायतका प्रस्तावहरु पनि सभाले पारित गर्नेछ।
साधारण सभा तथा लाभांश वितरण प्रयोजनार्थ कम्पनीले पुस १८ गतेदेखि २७ गतेसम्म बुकक्लोज गर्ने भएको छ।
यस अनुसार पुस १७ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन्।
वि.सं.२०७९ पुस ७ बिहीवार ०९:५७ मा प्रकाशित