काठमाडौं । चालु आर्थिक वर्षको मङ्सिर मसान्तसम्ममा नेपाल स्टक एक्सचेन्ज लिमिटेड (नेप्से)मा ९२ अर्ब ७८ करोड रुपैंयाा बराबरको थप धितोपत्र सूचीकृत भएका छन् ।
केन्द्रीय बैंकले शुक्रबार सार्वजनिक गरेको चालु आवको पाँच महिनाको विवरणअनुसार समीक्षा अवधिमा ३५ अर्ब रुपैंया बराबरको विकास ऋणपत्र, २८ अर्ब ४४ करोड रुपैंया बराबरको ऋणपत्र, ११ अर्ब ५० करोड रुपैंया बराबरको साधारण शेयर, ९ अर्ब ७४ करोड रुपैंया बराबरको बोनस शेयर, ४ अर्ब ४९ करोड रुपैंया बराबरको म्युचुअल फण्ड र ३ अर्ब ५९ करोड रुपैंया बराबरको हकप्रद शेयर गरी कूल ९२ अर्ब ७८ करोड रुपैंया बराबरको थप धितोपत्र सूचीकृत भएको हो ।
वि.सं.२०७९ पुस ३० शनिवार ०९:३० मा प्रकाशित
