काठमाडौं । प्रिमियर इन्स्योरेन्सले चालु आर्थिक वर्षको दोस्रो त्रैमाससम्ममा १५ करोड ६१ लाख ८५ हजार रुपैयाँ खुद नाफा कमाएको छ ।
उक्त खुद नाफा गत वर्षको सोही अवधिको तुलनामा ०.३४ प्रतिशत मात्र बढी हो । इन्स्योरेन्सको खुद बिमा शुल्क आम्दानी ८.०१ प्रतिशतले घटेर असोज मसान्तसम्म ४२ करोड ४० लाख ६३ हजार रुपैयाँ कायम भएको छ ।
यस अवधिमा कम्पनीले लगानी कर्जा तथा अन्य आयबाट ५ करोड ८९ लाख रुपैयाँ, पुनर्बीमा कमिशन वापत ११ करोड ३१ लाख रुपैयाँ आम्दानी गरेको छ ।
चुक्ता पूँजी १ अर्ब ४० करोड २६ लाख रुपैयाँ रहेको कम्पनीको जगेडा कोषमा ३० करोड ८ लाख रुपैयाँ, बीमा कोषमा १ अर्ब ९ करोड ३० लाख रुपैयाँ र महाविपत्ती कोषमा ६ करोड ८० लाख रुपैयाँ सञ्चित रहेको छ ।
यस अवधिमा कम्पनीको प्रतिशेयर आम्दानी २२ रुपैयाँ २७ पैसा, प्रतिशेयर नेटवर्थ २०४ रुपैयाँ २३ पैसा र मूल्य आम्दानी अनुपात २९.५० गुणा बढी रहेको छ ।
वि.सं.२०७९ माघ २५ बुधवार १३:२८ मा प्रकाशित
