काठमाडौ । नेसनल माइक्रोफाइनान्स लघुवित्त वित्तीय संस्थाले संस्थापक सेयर विक्रीमा ल्याएको छ । लघुवित्तको ३ जना संस्थापक सेयरधनीले आफ्नो नाममा रहेको २१ हजार २५५ कित्ता संस्थापक सेयर बिक्री गर्ने भएका छन् ।
यसमा कम्पनीकै संस्थापक सेयरधनीहरुले आवेदन दिन सक्नेछन् । सेयर खरिद गर्न इच्छुक संस्थापकले आज फागुन ५ गते शुक्रबार बाट ३५ दिनभित्र आवश्यक कागजपत्रसहित कम्पनीको केन्द्रीय कार्यालय निलकण्ठ–३ , धादिङबेसी, धादिङमा आफुले खरिद गर्न चाहेको सेयर संख्या खुलाई आवेदन दिनुपर्नेछ ।
उक्त सेयरको न्यूनतम भाउ प्रतिकित्ता १ हजार ११५ रुपैयाँ तोकिएको छ । तोकिएको समय भित्र हाल कायम संस्थापकहरुबाट कुनै निवेदन नआएमा अन्य व्यक्तिले समेत आवेदन दिन मिल्ने व्यवस्था गरिने संस्थाले जनाएको छ ।
वि.सं.२०७९ फागुन ५ शुक्रवार १०:५७ मा प्रकाशित
