काठमाडौं । आज आइतबार नेपाल स्टक एक्सचेन्ज (नेप्से)मा पाँच कम्पनीको बोनस सेयर सूचिकृत भएको छ । उक्त दिन नेप्सेमा १ करोड ५५ लाख बढी कित्ता बोनस सेयर थपिएको छ।
नेप्सेमा प्रभु बैंकको ६.५० प्रतिशत बोनस बापतको ८२ लाख ६० हजार ६५७.७१ कित्ता बोनस सेयर सूचिकृत भएको छ ।
त्यसैगरी, सेन्चुरी कमर्सियल बैंकको ४.७५ प्रतिशत बोनस बापतको ४५ लाख ३८ हजार १०६.८७ कित्ता, आइसीएफसी फाइनान्सको ५ प्रतिशत बोनस बापतको ५ लाख ६३ हजार ५५८ कित्ता, आँधिखोला लघुवित्तको ३० प्रतिशत बोनस बापतको ३ लाख ५७ हजार कित्ता र फस्र्ट माइक्रोफाइनान्स लघुवित्तको १९ प्रतिशत बोनस बापतको १८ लाख ३२ हजार ५३५.५६ कित्ता गरी जम्मा १ करोड ५५ लाख ५१ हजार ८५८.१४ कित्ता बोनस सेयर सूचिकृत भएको छ ।
सूचीकृतपश्चात् यी पाँचै वटा कम्पनीको सेयर सम्बन्धित सेयरधनीको हितग्राही खातामा जम्मा भएपछि सेयरबजारमा कारोबार गर्न मिल्नेछ ।
वि.सं.२०७९ फागुन २१ आइतवार १६:१३ मा प्रकाशित
