काठमाडौं। कुमारी बैंक लिमिटेडले ३ लाख २१ हजार ३ सय ९४ कित्ता संस्थापक सेयरको बिक्रीमा ल्याएको छ।
बैंकका संस्थापक सेयरधनी बालकृष्ण श्रेष्ठ र चन्द्रबहादुर खत्रीले आ–आफ्नो सेयर बेच्ने भएका हुन्। श्रेष्ठले बैंकको ३ लाख १६ हजार १ सय ४० कित्ता र खत्रीले ५ हजार २ सय ५४ कित्ता बिक्री गर्ने भएका हुन्। उक्त सेयर खरिद गर्न कुमारीले सुरुमा हाल कायम संस्थापक सेयरधनीहरुलाई आह्वान गरेको छ।
सेयर खरिद गर्न इच्छुक संस्थापक सेयरधनीहरुले ३५ दिनभित्र बैंकको सेयर रजिष्ट्रार कुमारी क्यापिटल वा कुमारी बैंकको प्रधान कार्यालयमा आवेदन दिन सक्नेछन्।
सेयरको मूल्य बिक्रेताले तोकेबमोजिम नै हुने बैंकले उल्लेख गरेको छ। तोकिएको समयभित्र संस्थापक सेयरधनीहरुबाट आवेदन नपरे बैंकले उक्त सेयर संस्थापकभन्दा बाहिर बिक्री गर्ने जनाएको छ।
वि.सं.२०७९ फागुन २९ सोमवार १२:१९ मा प्रकाशित