काठमाडौं । नेपाल स्टक एक्सचेञ्ज (नेप्से)मा माया खोला हाइड्रोपावर र सुपरमाई हाइड्रोपावरको आइपीओ सूचिकृत भएको छ ।
नेप्सेमा माया खोला हाइड्रोपावरको १ करोड कित्ता सेयर सूचिकृत भएको हो । कम्पनीको पहिलो कारोबारका लागि ८८ रुपैंया ५३ पैसा देखि अधिकतम २६५ रुपैंया ९९ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एमकेएचसी’ रहेको छ ।
कम्पनीले स्थानिय बासिन्दाहरुमा वितरण गरिएको १० लाख कित्ता, सर्वसाधारणको लागि वितरण गरेको २४ लाख कित्ता र संस्थापकहरूले लगानी गरेको ६६ लाख कित्ता गरेर कुल १ करोड कित्ता साधारण सेयर सूचीकृत गराएको हो ।
त्यसैगरी, सुपर माई हाइड्रोपावरको ५० लाख कित्ता सेयर सूचिकृत भएको हो । कम्पनीको पहिलो कारोबारका लागि १३० रुपैंया ७६ पैसा देखि अधिकतम ३९२ रुपैंया २८ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एसएमएच’ रहेको छ ।
कम्पनीले स्थानिय बासिन्दाहरुमा वितरण गरिएको ५ लाख कित्ता, सर्वसाधारणको लागि वितरण गरेको ५ लाख कित्ता र संस्थापकहरूले लगानी गरेको ४० लाख कित्ता गरेर कुल ५० लाख कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर बुधबारबाट धितोपत्र दोस्रो बजारमा कारोबार सुरु हुनेछ ।
वि.सं.२०७९ चैत ६ सोमवार १२:२७ मा प्रकाशित