काठमाडौं । बुधबार नेपाल स्टक एक्सचेञ्ज (नेप्से)मा कालिन्चोक दर्शन लिमिटेड र एसियन हाइड्रोपावर लिमिटेडको आइपीओ सूचिकृत भएको छ ।
नेप्सेमा कालिन्चोक दर्शन लिमिटेडको ६० लाख कित्ता सेयर सूचिकृत भएको हो । कम्पनीको पहिलो कारोबारका लागि ७८ रुपैंया १५ पैसा देखि अधिकतम २३४ रुपैंया ४५ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘केडिएल’ रहेको छ ।
कम्पनीले स्थानिय बासिन्दाहरुमा वितरण गरिएको १ लाख २० हजार कित्ता, सर्वसाधारणको लागि वितरण गरेको १० लाख ८० हजार कित्ता र संस्थापकहरूले लगानी गरेको ४८ लाख कित्ता गरेर कुल ६० लाख कित्ता साधारण सेयर सूचीकृत गराएको हो ।
त्यसैगरी, एसियन हाइड्रोपावर लिमिटेडको ३४ लाख कित्ता सेयर सूचिकृत भएको हो । कम्पनीको पहिलो कारोबारका लागि ९९ रुपैंया ६० पैसा देखि अधिकतम २९८ रुपैंया ८० पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एएचएल’ रहेको छ ।
कम्पनीले स्थानिय बासिन्दाहरुमा वितरण गरिएको ३ लाख ४० हजार कित्ता, सर्वसाधारणको लागि वितरण गरेको ८ लाख ४० हजार कित्ता र संस्थापकहरूले लगानी गरेको २२ लाख ४० हजार कित्ता गरेर कुल ३४ लाख कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर बिहीबारबाट धितोपत्र दोस्रो बजारमा कारोबार सुरु हुनेछ ।
वि.सं.२०७९ चैत ८ बुधवार १२:३२ मा प्रकाशित
