काठमाडौं । नेपाल स्टक एक्स्चेन्ज (नेप्से) मा बुधबार एक कम्पनीको आइपीओ सूचिकृत भएको छ । नेप्सेमा रिलायबल नेपाल लाइफ इन्स्योरेन्सको आइपीओ सूचिकृत भएको हो ।
कम्पनीले सर्वसाधारणको लागि वितरण गरेको ( सामूहिक लगानी कोष, वैदेशिक रोजगारीमा रहेका नेपाली, र कर्मचारी समेत) लाई १ करोड २० लाख कित्ता र संस्थापकहरूले लगानी गरेको २ करोड ८० लाख कित्ता गरेर कुल ४ करोड कित्ता साधारण सेयर सूचीकृत गराएको हो ।
कम्पनीको पहिलो कारोबारका लागि १६२ रूपैयाँ २९ पैसादेखि अधिकतम ४८६ रुपैंया ८७ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘आरएनएलआइ’ रहेको छ । सूचिकृत पश्चात उक्त सेयर सरकारले भोलि सार्वजनिक बिदा दिने निर्णय गरेको कारणले आइतबारदेखि धितोपत्र दोस्रो बजारमा कारोबार हुनेछ ।
वि.सं.२०८० भदौ २७ बुधवार १२:३१ मा प्रकाशित