काठमाडौं । चिलिमे जलविद्युत कम्पनी लाभांश घोषणा गरेको छ ।
कम्पनीको मंसिर २२ गते बसेको सञ्चालक समितिको बैठकले गत आर्थिक वर्ष २०७९/८० को मुनाफाबाट हाल कायम चुक्तापूँजीको १० प्रतिशत बोनस सेयर र करप्रयोजनसहित ५ प्रतिशत नगद लाभांश गरी जम्मा १५ प्रतिशत लाभांश वितरण गर्ने घोषणा गरेको हो ।
कम्पनीको हाल चुक्तापूँजी ७ अर्ब २५ करोड ८१ लाख रहेको छ । प्रस्तावित लाभांश कम्पनीको साधारणसभाले पारित गरेपछि सेयरधनीले पाउने छन् ।
कम्पनीले आगामी पुस २० गते साधारणसभा बोलाएको छ । यसैगरी, कम्पनीले साधारणसभा प्रयोजनको लागि पुस ८ गते बुक क्लोज गर्ने निर्णय गरेको छ ।
वि.सं.२०८० मंसिर २४ आइतवार १०:१७ मा प्रकाशित