काठमाडौं । पूर्वाञ्चल ल्यूव आयल लिमिटेडले आइपीओ निष्काशन गर्ने प्रक्रिया अगाडी बढाएको छ । सोही प्रस्ताव सहित पुस २९ गते कम्पनीको रजिष्टर्ड कार्यालय, सुन्दरहरैँचा-९, मोरङ्गमा बिहान ११ बजे वार्षिक साधारण सभा बोलाएको हो ।
सभामा आइपीओ जारी गर्ने प्रस्ताव पेश हुनेछ । त्यसैगरी, सेयरधनीलाई बोनस सेयर वितरण गर्ने प्रस्ताव पनि छ ।
आर्थिक वर्ष २०७९/८० को वासलात, नाफा/नोक्सान र नगद प्रवाहमाथि छलफल हुनेछ । साथै, आर्थिक वर्ष २०८०/८१ का लागि लेखापरीक्षक नियुक्त गरी पारिश्रमिक निर्धारण गर्ने एजेन्डा पनि रहेको छ ।
वि.सं.२०८० पुस ९ सोमवार १०:४३ मा प्रकाशित
