काठमाडौं । अर्थ मन्त्रालयले सम्पति शुद्धीकरण, आतंकवादी क्रियाकलाप, भ्रष्टाचार वा अन्य कुनै कसूरजन्य कार्यमा छुट नदिने जनाएको छ ।
मन्त्रालयले आर्थिक विद्येयक २०७८ बाट आयकर ऐन २०५८ को दफा ११ ग थप गरी राष्ट्रिय महत्वका पूर्वाधार विकास परियोजना तथा उद्योगमा २०८० चैत मसान्तसम्म गरेको लगानीको आयस्रोत खोजिने छैन भन्ने व्यवस्था गरेको छ । उक्त व्यवस्थाको चौतर्फी आलोचना भएपछि यस्तो धारणा सार्वजनिक भएको हो ।
मन्त्रालयले सरकार अपराधजन्य कार्यबाट प्राप्त सम्पति शुद्दीकरण तथा आतंकवादी क्रियाकलापमा वित्तीय लगानी गर्ने कार्य निवारण गर्न एंव भ्रष्टाचार नियन्त्रणसम्बन्धी राष्ट्रिय कानून तथा अन्तर्राष्ट्रिय प्रतिबधता कार्यान्वयन गर्न पूर्ण प्रतिबद्ध रहेको जनाएको छ ।
वि.सं.२०७८ असोज ५ मंगलवार ११:१८ मा प्रकाशित
