काठमाडौं । साताको अन्तिम कारोबार दिन सेयर बजारमा सामान्य वृद्धि भएको छ ।
उक्त दिन बजार २.७० अंकले वृद्धि भएको हो । उक्त दिन बजार परिसुचक २८१९.६६ अंकको बिन्दुमा पुगेर बन्द भएको हो ।
बिहीवार ७ अर्ब ७२ करोड ६३ लाख ७१ हजार रुपैयाँ बराबरको १ करोड ५७ लाख १४ हजार २६६ कित्ता सेयर कारोबार भएको छ ।
उक्त दिन आधा दर्जन कम्पनीको सर्वाधिक कारोबार भएको छ । आज सबैभन्दा धेरै कारोबार हुनेमा अधिकांश वाणिज्य बैंकहरु रहेका छन् ।
बिहीवार सबैभन्दा बढी सानिमा बैंक ३४ करोड १५ लाख ८३ रुपैयाँ बराबरको कारोबार भएको छ । आज बैंकको ६ लाख ३८ हजार ९१६ कित्ता सेयर किनबेच भएको छ । कम्पनीको सेयर मूल्य आज प्रतिकित्ता ५ सय २८ रुपैयाँ कायम भएको छ ।
कारोबारकै आधारमा दोस्रो स्थानमा रहेको नेपाल बैंकको २७ करोड १० लाख ७७ हजार रुपैयाँ बराबरको सेयर खरिदबिक्री भएको छ ।
उक्त दिन कम्पनीको ५ लाख २२ हजार ५९४ कित्ता सेयर किनबेच भएको हो । आज कम्पनीको सेयर मूल्य ५१७ रुपैयाँ कायम भएको छ ।
यस्तै, आज माछापुच्छ्रे बैंकको पनि २३ करोड ८६ लाख ८८ हजार रुपैयाँ बराबरको कारोबार भएको छ ।
उक्त दिन बैंकको ५ लाख ७५ हजार १९४ कित्ता सेयर खरिदबिक्री भएको छ । बैंकको सेयर मूल्य प्रतिकित्ता ४११ रुपैयाँ रहेको छ ।
साताको अन्तिम कारोबार दिन नेशनल हाइड्रो पावरको सार्वधिक सेयर किनबेच भएको छ । आज कम्पनीको २१ करोड ९६ हजार ५० हजार रुपैयाँ बराबरको ४ लाख ९३ हजार ८४१ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ४३९ रुपैयाँ रहेको छ ।
यता आज सर्वाधिक कारोबार गर्ने मध्येकै अर्को कम्पनी युनाईटेड मोदी हाइड्रोपावर र प्राइक कमर्शियल बैंकको क्रमशः २१ करोड ७७ लाख २३ हजार र २० करोड ८७ लाख ७८ हजार रुपैयाँ बराबरको सेयर खरिदबिक्री भएको छ ।
वि.सं.२०७८ असोज ७ बिहीवार १५:२० मा प्रकाशित
