काठमाडौं । आज सबैभन्दा बढी कुमारी बैंक सेयर कारोबार भएको छ । उक्त दिन बैंकको १८ करोड ८२ लाख २७ हजार रुपैयाँ बराबरको कारोबार भएको हो ।
नेपाल स्टक एक्सचेञ्ज (नेप्से)का अनुसार आज बैंकको ६ लाख ११ हजार ४८४ कित्ता सेयर खरिदबिक्री भएको छ ।
बैंकले आजै ८.६७ प्रतिशत लाभांश घोषणा गरेको छ । बैंकले आर्थिक वर्ष २०७७/७८ को मुनाफाबाट ६ प्रतिशत बोनस र कर प्रयोजन सहित २.६७ प्रतिशत नगद लाभांश दिने भएको हो ।
यसकारण लगानीकर्ता आज आकर्षित भएका हुन् । बैंकको सर्वाधिक कारोबार भएको हो । तर, बैंकको सेयर मूल्यमा भने गिरावट आएको छ ।
आज बैंकको सेयर मूल्य ७.९७ प्रतिशतले घटेको हो । उक्त दिन बैंकको सेयर मूल्य प्रतिकित्ता २६ रुपैयाँले घटेर ३०३ रुपैयाँ कायम भएको छ ।
वि.सं.२०७८ असोज १२ मंगलवार १५:५९ मा प्रकाशित
