काठमाडौं । लुम्बिनी विकास बैंकले संस्थापक सेयर बिक्री गर्ने भएको छ ।
बैंकका संस्थापक सेयरधनीहरुले आफ्नो नामममा रहेको ४६ हजार १०९ कित्ता संस्थापक सेयर बिक्री गर्ने भएका हुन् ।
उक्त सेयर खरिद गर्न इच्छुक योग्य संस्थापक सेयरधनीहरुले आवेदन दिन सक्नेछन् । आवेदन आजैका मितिदेखि ३५ दिनभित्र सम्पूर्ण विवरण खुलाई बैंकको मुख्य कार्यालय डिल्लीबजार, काठमाडौंमा लिखित जानकारी गराउनुपर्ने छ ।
तोकिएको समयभित्र विद्यमान संस्थापकहरुबाट आवेदन खरिदका लागि कुनै लिखित जानकारी नआएमा प्रचलित कानून बमोजिम सेयर बिक्रीको अन्य प्रक्रिया अगाडि बढाईने बैंकले जनाएको छ ।
वि.सं.२०७८ असोज १८ सोमवार ११:१८ मा प्रकाशित
