काठमाडौं । माछापुच्छ्रे कृति क्यापिटल लिमिटेडले दोस्रो वार्षिक साधारणसभाका लागि मिति तय गरेको छ ।
असोज १३ गते बसेको संचालक समितिको बैठकले आउँदो कात्तिक १० गते सभा गर्ने भएको हो ।
उक्त हुने सभाले संचालक समितिले प्रस्ताव गरे बमोजिम चुक्ता पुँजीको ६.४ प्रतिशत नगद लाभांश(नगदा लाभांश तथा बोनस सेयरमा लाग्ने लाभांश कर सहित) प्रदान स्वीकृत गर्ने छ ।
सभाले चुक्ता पुँजीको ७ प्रतिशतका दरले बोनस सेयर वितरण गर्ने विशेष प्रस्ताव पारित गर्नेछ ।
यस्तै, दोस्रो वार्षिक साधारणसभाका लागि आव २०७७/७८ को संचालक समितिको वार्षिक प्रतिवेदन उपर छलफल लगायतका अन्य एजेण्डाहरु पारित गर्नेछ ।
वि.सं.२०७८ असोज २० बुधवार १२:२२ मा प्रकाशित
