काठमाडौं । चालु आर्थिक वर्ष २०७८/७९ को असोज मसान्तसम्म नेपालमा साढे ८ करोड बढीको तास आयात भएको छ । भन्सार विभागले हालै सार्वजनिक गरेको तथ्यााङ्कले यस्तो देखाएको हो ।
चालु आवको तीन महिनाको अवधिमा नेपालमा ८ करोड ७२ लाख ४१ हजार रुपैयाँ बरारबको तास आयात भएको छ ।
विभागका अनुसार नेपालमा तीन देशबाट तास आयात हुने गरेको छ । नेपालमा छिमेकी दुई मुलुक भारत, चीन र अमेरिकाबाट तास आयात भएको हो ।
विभागका अनुसार चालु आवको असोज मसान्तसम्म उक्त देशरुबाट ४३ लाख ३० हजार ५ थान तास आयात भएको विभगाले जनाएको छ ।
उक्त अवधिमा सबैभन्दा बढी चीनबाट आयात भएको हो । उक्त देशबाट ७ करोड ९१ लाख १३ हजार रुपैयाँ बरारबको तास नेपाल भित्रिएको छ । चीनबाट नेपालमा ३३ लाख ५३ हजार ३५८ थान तास आयात भएको हो ।
असोज मसान्तसम्म भारतबाट ८१ लाख २७ हजार रुपैयाँ बराबरको तास आयात भएको छ । उक्त देशबाट तीन महिनाको अवधिमा ९ लाख ७६ हजार ६११ थान तास आयात भएको हो ।
यस्तै, अमेरिकाबाट भने १ हजार रुपैयाँ बराबरको ३६ थान तास आयात भएको छ । तास आयातबाट सरकारले ४ करोड ५३ लाख ७२ हजार रुपैयाँ प्राप्त गरेको छ ।
वि.सं.२०७८ कात्तिक १८ बिहीवार १३:३९ मा प्रकाशित
