काठमाडौं । गुराँस लघुवित्त वित्तीय संस्थाको छैठौं वार्षिक साधारण सभा सम्पन्न भएको छ । सभा न्यु अञ्जुली होटल धनकुटामा सभा सम्पन्न भएको हो ।
सभाले १७.७८ प्रतिशत लाभांश पारित गरेको छ । कम्पनीले आर्थिक वर्ष २०७७÷७८ सम्मको मुनाफाबाट चुक्ता पुँजी ८ करोड ३४ लाख रुपैयाँको १६.९० प्रतिशत बोनश सेयर र ०.८८ प्रतिशत नगद लाभांश दिने प्रस्ताव गरेको थियो ।
यस्तै, आव २०७७/७८ को संचालक समितिको प्रतिवेदन, लेखापरीक्षण भएको वासलात, नाफा नोक्सान हिसाब, नगद प्रवाह विवरण सहित वित्तीय विवरणहरु तथा संस्थाको प्रबन्धपत्र तथा नियमावलीका विभिन्न दफाहरु संशोधनको प्रस्ताव समेत पारित गर्नुका साथै आव २०७८/७९का लागि लेखापरिक्षक नियुक्ती समेत गरेको छ ।
यसका साथै सभाले संस्थापक समूह “क” अन्तर्गत रिक्त रहेका ४ जना संचालकहरुमा उदयनारायण बराल, अशोक गौतम, राजु प्रसाद अधिकारी र विजय कुमार दाहाललाई निर्विरोध निर्वाचित गरेको छ ।
वि.सं.२०७८ कात्तिक २३ मंगलवार १७:१९ मा प्रकाशित
