काठमाडौं । साताको पहिलो काराबोर दिन सेयर बजार घटेको छ । उक्त दिन बजार ११.६० अंकले घटेको छ ।
आइतबार बजार परिसुचक २७५७.५३ अंकको बिन्दुमा पुगेर बन्द भएको छ । आज ४ अर्ब ३५ करोड ७३ लाख ९ हजार रुपैयाँ बराबरको सेयर कारोबार भएको छ ।
उक्त दिन जलविद्युत समूह १३.२१ अंक र उत्पादक तथा प्रशोधन समूह ९६.१४ अंकले वृद्धि भएको छ भने अन्य समूह राताम्मे बनेका छन् ।
आज महालक्ष्मी विकास बैंकसहित चार कम्पनीको सर्वाधिक कारोबार भएको छ । उक्त दिन महालक्ष्मी विकास बैंकको ५० करोड ९९ लाख ९२ हजार रुपैयाँ बराबरको सेयर खरिदबिक्री भएको छ ।
कारोबारकै आधारमा दोस्रो स्थानमा रहेको नेशनल हाइड्रोपावरको २३ करोड ८४ लाख ५० हजार रुपैयाँ बराबरको सेयर किनबेच भएको छ ।
यस्तै, नेपाल टेलिकमको २२ करोड ६२ लाख ३८ हजार, र हिमाल दोलखा हाइड्रोपावरको २१ करोड ५० लाख ७५ हजार रुपैयाँ बराबरको सेयर कारोबार भएको छ ।
वि.सं.२०७८ मंसिर ५ आइतवार १५:१५ मा प्रकाशित
