काठमाडौं । साताको पहिलो कारोबार दिन सुनचाँदीको मूल्य वृद्धि भएको छ । उक्त दिन नेपाली बजारमा छापावाला सुनको मूल्य प्रतितोला ३ सय रुपैयाँले वृद्धि भएको हो ।
अघिल्लो दिन अर्थात शुक्रबार ९२ हजार २ सय रुपैयाँमा कारोबार भएको सुन आज बढेर ९२ हजार ५ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य ९२ हजार रुपैयाँ तोकिएको छ । अघिल्लो दिन ९१ हजार ७ सय रुपैयाँमा कारोबार भएको थियो ।
यस्तै, उक्त दिन चाँदीको मूल्यमा पनि बढोत्तरी देखिएको छ । आज चाँदी प्रतितोला ५ रुपैयाँले वृद्धि भई १ हजार १९० रुपैयाँ पुगेको छ । अघिल्लो दिन १ हजार १८५ रुपैयाँ खरिदबिक्री भएको थियो ।
वि.सं.२०७८ मंसिर २६ आइतवार १२:४२ मा प्रकाशित
