काठमाण्डौं । बंगलादेशको राजधानी ढाकामा आइएस आतंकवादी समूहले ठूलो आक्रमण गरेको छ । यो आक्रमणमा कम्तिमा पनि २० जना मारिएको खबर अन्तर्राष्ट्रिय सञ्चारमाध्यमले प्रकाशित गरेका छन् ।
आइएसको समाचार एजेन्सी अमाकले ढाकाको कुटनीतिक क्षेत्रमा रहेको बेकरी क्याफेमा भएको यो हमलामा २० जना मारिएको दाबी गरेको छ ।
शुक्रवार राति यहाँको गुलसन कुटनीतिक क्षेत्रमा रहेको एक बेकरीमा ९ जना आतंकवादीले आक्रमण गरेर ४० जनालाई बन्धक बनाएका थिए ।
यो आक्रमणका क्रममा आइएसले कम्तिमा पनि ४० जनालाई बन्धक बनाएका थिए ।
बंगलादेश सरकारले यो आक्रमणमा ६ जना आतंकवादी मात्रै मारिएको दाबी गरिरहँदा आइएसले भने २० जनाको ज्यान गएको दाबी गरेको छ ।
क्याफेको नजिकै बस्दै आएकी एक महिलाले बताए अनुसार क्याफेमा शक्तिशाली विस्फोट भएको थियो भने गोली पनि बर्साएको आवाज सुनिएको थियो ।
प्रकाशितः २०७३ असार १८
वि.सं.२०७३ असार १८ शनिवार १४:२१ मा प्रकाशित