काठमाडौं । नेपाल स्टक एक्सचेन्जको पुरानो साइट बन्द भएको छ । नेपाल स्टकले नेपालस्टक डटकम नामबाट चलाउँदै आएको साइट पैसा नतिरेर बन्द भएको हो ।
नेप्सेको आधिकारिक वेभसाईटको डोेमेनका लागि रकम भुक्तानी गर्ने समय हिजोसम्म मात्रै बाँकी थियो । तर, नेप्सेले यो नविकरण नगरेको देखिएको छ । सन् २०२२, जनवरी २ तारिखसम्म रहेको नेपाल स्टक एक्सचेन्जको वेभसाईटको डोमन आजबाट डाउन भएको हो । वेभसाईटको डोमेन नेम समयमा नै नविकरण नगरेमा बन्द हुन्छ भने त्यसको ३५ दिनसम्म पनि नविकरण नभएमा ब्रोकरको हातमा पुग्छ ।
यद्यपी यता नेप्सेका प्रवक्ता मुराहरि पराजुलीले भने नेप्सेको पुरानो वेब साइटमा प्रविधिक समस्या आएका कारण नखुलेको दाबी गर्दै नविकरण नगरेर बन्द भएको हल्ला साँचो नभएको बताएका छन् ।
नेप्सेले साइट नविकरणको लागि १० डलर अर्थात एक हजार दुई सय रुपैयाँ तिर्नु पर्दछ ।
वि.सं.२०७८ पुस १९ सोमवार १६:०९ मा प्रकाशित