काठमाण्डौं । प्रधानमन्त्री केपी शर्मा ओलीले पठन पाठनको गुणस्तर सुधार गर्न त्रिभुवन विश्वविद्यालयका पदाधिकारीलाई निर्देशन दिँदै विद्यार्थी फेल हुनुमा प्राध्यापकको दोष भएको बताएका छन्।
प्रधानमन्त्री ओलीले आज आइतबार त्रिभुवन विश्वविद्यालय सभाको साधारण बैठकमा यस्तो बताएका हुन् । सो क्रममा उनले शिक्षण विधि र परीक्षा प्रणालीमा सुधार गर्न विश्वविद्यालयका पदाधिकारीलाई निर्देशन दिएका हुन्। उनले नयाँ पुस्ता धेरै तेज रहे पनि विश्वविद्यालयले समय सुहाउँदो शिक्षा दिन नसकेको बताए ।
सोही समयमा प्रधानमन्त्री ओलीले विश्वविद्यालयले पढ्ने वातावरण नबनाएको तथा प्राध्यापकले राम्रो नपढाएका कारण विद्यार्थीहरु फेल हुने गरेको बताए । प्रधानमन्त्री ओलीले विश्वविद्यालयका प्राध्यापकहरुलाई पठनपाठन छोडेर राजनीतिमा लाग्नबाट रोक्न पनि विश्वविद्यालयका पदाधिकारीलाई निर्देशन दिएका छन् ।
त्रिभुवन विश्वविद्यालय नेपालको सबैभन्दा पुरानो र ठूलो विश्वविद्यालय हो । त्रिवि विश्वका विश्वविद्यालयहरुको सूचीमा ४ हजार २ सय ४१ औं स्थानमा पर्छ ।
२६ असार २०७३, ४।००
वि.सं.२०७३ असार २६ आइतवार १६:१२ मा प्रकाशित