काठमाडौं । नेपाल क्रेडिट एण्ड कमर्स बैंक (एनसीसी) ले संस्थापक सेयर बिक्री गर्ने भएको छ । बैंकले १४ लाख २५ हजार कित्ता बढी संस्थापक सेयर बिक्री गर्न लागेको हो ।
मंगलबार एक सूचना निकाल्दै बैंकले संस्थापक सेयरधनी लक्ष्मी बहादुर श्रेष्ठको नाममा रहेको ३ लाख कित्ता, भुपेन्द्रराज गिरीको १५ हजार २५१ कित्ता र जेनिथ इन्भेष्टमेण्ट एण्ड सेक्युरिटिजको नाममा रहेको ११ लाख १० हजार ४१७ कित्ता संस्थापक सेयर बिक्री ल्याएको जनाएको हो । उक्त सेयरको बिक्री मूल्य भने उल्लेख गरिएको छैन।
उक्त सेयर खरिदका लागि बैंकका विद्यमान संस्थापकहरुले आवेदन दिन सक्नेछन् । सेयर खरिदका लागि आजैका मितिले ३५ दिनभित्र बैंकको बागबजार स्थित सेयर विभागमा लिखित निवेदनसहित सम्पर्क गर्न सकिने छ ।
तोकिएको उक्त म्यादभित्र संस्थापक सेयरधनीहरुबाट सेयर खरिदका लागि कुनै प्रस्ताव नआएको अवस्थामा प्रचलित कानून बमाजिम अन्य बिक्री प्रक्रिया अघि बढाईने बैंकले जनाएको छ ।
वि.सं.२०७८ चैत २९ मंगलवार १२:१५ मा प्रकाशित