काठमाडौं । काठमाडौं उपत्यका अपराध अनुसन्धान कार्यालय (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले सिन्धुपाल्चोक जिल्ला, जुगल गा.पा. वडा नं. ७ घर भई हाल काठमाडौं जिल्ला, गोकर्णेश्वर न.पा. वडा नं. ६ बस्ने भिम बहादुर तामाङलाई पक्राउ गरेको हो ।
उच्च अदालत पाटनले तामाङलाई २०७९ बैशाख १ गते बैंकिङ कसूर मुद्दामा १८ लाख जरिवाना र ७ दिन कैद सजाय सुनाएको थियो । त्यस यता उनी फरार रहेका थिए ।
निजलाई आज जेठ ३० गते पक्राउ गरि थप अनुसन्धानका लागि आजै जिल्ला अदालत ललितपुर उपस्थित गराईएको हो ।
वि.सं.२०७९ जेठ ३० सोमवार १६:५५ मा प्रकाशित