काठमाडौं । सरकारले सबैका लागि दिगो खानेपानी तथा सरसफाइ आयोजनाका लागि करिब रु एक अर्ब ३७ करोड अनुदान सहायता स्वीकार गर्ने भएको छ ।
मन्त्रिपरिषद्ले यही साउन ९ गते गरेका निर्णय सार्वजनिक गर्न आज सञ्चार तथा सूचना प्रविधि मन्त्रालयमा आयोजित पत्रकार सम्मेलनमा सरकारका प्रवक्तासमेत रहनुभएका मन्त्री ज्ञानेन्द्रबहादुर कार्कीले खानेपानी आयोजनाका लागि युरोपियन युनियनबाट १०.५ मिलियन स्वीकार गर्न लागेको जानकारी दिनुभयो ।
गुणस्तरीय प्राविधिक तथा व्यावसायिक शिक्षा एवं तालिम परियोजना पहिलो चरण कार्यान्वयनका लागि स्वीट्जरल्याण्ड सरकारबाट प्राप्त हुने करिब रु ९५ करोड बराबरको अनुदान सहायता स्वीकार गर्ने निर्णय पनि सरकारले गरेको छ ।
वि.सं.२०७९ साउन १० मंगलवार १८:२४ मा प्रकाशित