काठमाडौं । बेष्ट फाइनान्स कम्पनीले साढे १६ करोड बढी नाफा आर्जन गरेको छ ।
बुधवार कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले १६ करोड ७२ लाख १ हजार रुपैयाँ नाफा कमाएको छ । कम्पनीको यो नाफा अघिल्लो आवको चौंथो त्रैमासको तुलनामा १०२.९६ प्रतिशतले बढी हो । अघिल्लो आवको सोही अवधिमा कम्पनीले ८ करोड २३ लाख ८३ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि २१.८६ प्रतिशतले वृद्धि भई १२ करोड ६६ लाख ५३ हजार रुपैयाँ पुगेको छ ।
गत आवमा कम्पनीको संचालन मुनाफा पनि १०६.८६ प्रतिशतले वृद्धि भई २० करोड ९४ लाख १४ हजार रुपैयाँ पुगेको छ । कम्पनीको वितरण योग्य मुनाफा भने १९ करोड ६५ लाख ७५ हजार रुपैयाँ ऋणात्मक देखिएको छ ।
कम्पनीको चुक्ता पुँजी ८२ करोड ८९ लाख १३ हजार रुपैयाँ रहेको छ । कम्पनीले जगेडा तथा कोषमा भने ३७ करोड ५० लाख ७२ हजार रुपैयाँ राखेको छ ।
गत आवमा कम्पनीले खराब कर्जा पनि ह्वात्तै घटाएको छ । अघिल्लो आवमा १२.८३ प्रतिशत रहेको कम्पनीको खराब कर्जा गत आवमा भने घटाएर २.२४ प्रतिशतमा झारेको छ ।
उक्त अवधिमा कम्पनीको प्रतिसेयर आम्दानी भने १० रुपैयाँ २३ पैसाले वृद्धि भई २० रुपैयाँ १७ पैसा कायम भएको छ । कम्पनीको प्रतिसेयर नेटवर्थ १४५ रुपैयाँ २५ पैसा रहेको छ ।
वि.सं.२०७९ साउन १८ बुधवार १२:३८ मा प्रकाशित
