काठमाडौं । सिभिल बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
गत आवमा बैंकले १ अर्ब ३८ करोड ४६ लाख ८५ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने १६२.३६ प्रतिशतले बढी हो । अघिल्लो आवमा बैंकले ५२ करोड ७७ लाख ८४ हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानी ६४.३१ प्रतिशतले वृद्धि भई ३ अर्ब ६३ करोड १५ लाख ३४ हजार रुपैयाँ पुगेको छ ।
बैंकको संचालन मुनाफा २ अर्ब ११ करोड ३२ ला लाख ७१ हजार रुपैयाँ रहेको छ भने वितरण योग्य नाफा १ अर्ब ६३ लाख ९ हजार रुपैयाँ रहेको छ ।
बैंकको चुक्ता पुँजी ९ अर्ब ७ करोड ५८ लाख ४४ हजार रुपैयाँ रहेको छ । बैंकले जगेडा तथा कोषमा भने २ अर्ब ९४ करोड ३१ लाख ९५ हजार रुपैयाँ राखेको छ । गत आवमा बैंकले खराब कर्जा पनि ०.०३ प्रतिशतले घटाएर १.०८ प्रतिशतमा झारेको छ ।
बैंकको प्रतिसेयर आम्दानी पनि ९ रुपैयाँ १५ पैसाले वृद्धि भई १५ रुपैयाँ २६ पैसा कायम भएको । प्रतिसेयर नेवटर्थ १३२ रुपैयाँ ४३ पैसा रहेको छ ।
वि.सं.२०७९ साउन २२ आइतवार ११:०१ मा प्रकाशित