काठमाडौं । सबैको लघुवित्त वित्तीय संस्थाले करिब १० करोड नाफा कमाएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ९ करोड ९७ लाख ५६ हजार रुपैयाँ नाफा कमाएको छ । कम्पनीको यो नाफा अघिल्लो आवको सोही अवधिको तुलनामा १२.७३ प्रतिशतले कमी हो । अघिल्लो आवमा कम्पनीले ११ करोड ४३ लाख १६ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी २८ करोड ४९ लाख २२ हजार रुपैयाँ रहेको छ । यो आम्दानी अघिल्लो आवको चौंथो त्रैमासको तुलनामा भने १९.९१ प्रतिशतले बढी हो ।
गत आवमा कम्पनीको संचालन मुनाफा भने १३ करोड ३७ लाख ४ हजार रुपैयाँ रहेको छ । कम्पनीको चुक्ता पुँजी २७ करोड रुपैयाँ रहेको छ भने जगेडा तथा कोषमा १५ करोड ७० लाख ७१ हजार रुपैयाँ रहेको छ ।
कम्पनीले गत आवमा खराब कर्जा ०.५६ प्रतिशतले घटाएर १.६९ प्रतिशतमा झारेको छ । कम्पनीको प्रतिसेयर आम्दानी ३६ रुपैयाँ ९५ पैसा र प्रतिसेयर नेटवर्थ १५८ रुपैयाँ १७ पैसा रहेको छ ।
वि.सं.२०७९ साउन २२ आइतवार १२:२८ मा प्रकाशित
