काठमाडौं । अभियान लघुवित्त वित्तीय संस्थाले १ करोड बढी नाफा कमाएको छ ।
कमपनीले शुक्रबार प्रकाशित गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले १ करोड १० लाख ७४ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ३७.४२ प्रतिशतले बढी हो । अघिल्लो आवमा कम्पनीले १ करोड ७६ लाख ९६ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी भने १७.१९ प्रतिशतले वृद्धि भई ९ करोड २ लाख ९१ हजार रुपैयाँ कायम भएको छ। अघिल्लो आवमा कम्पनीको यो आम्दानी ७ करोड ७० लाख ४४ हजार रुपैयाँ रहेको थियो ।
यस्तै, उक्त अवधिमा कम्पनीको संचालन मुनाफामा भने २५.३५ प्रतिशतले घटेर १ करोड ७५ लाख ७९ हजार रुपैयाँ कायम भएको छ ।
कम्पनीको चुक्ता पुँजी १५ करोड २५ लाख रुपैयाँ रहेको छ । कम्पनीले जगेडा तथा कोषमा भने १ करोड ९१ लाख ४६ हजार रुपैयाँ राखेको छ ।
वि.सं.२०७९ भदौ ३ शुक्रवार १३:१४ मा प्रकाशित
