काठमाडौं । डिप्रोक्स लघुवित्त वित्तिय संस्था लिमिटेडले चालु आर्थिक बर्षको पहिलो त्रैमासको अपरिष्कृत वित्तिय विवरण प्रकाशित गरेको छ
उक्त विवरण अनुसार कम्पनीले ९ करोड ९१ लाख ३० हजार रुपैयाँ खुद नाफा आर्जन गर्न गरेको छ ।
यो नाफा गत वर्षको सोही अवधिको तुलनामा ४२.८९ प्रतिशतले कम हो । गत वर्षको यही अवधिमा संस्थाले १७ करोड ३५ लाख ८७ हजार खुद नाफा आर्जन गरेको थियो।
चालु आर्थिक वर्षको पहिलो त्रैमाससम्म लघुवित्तको सञ्चालन मुनाफा पनि ४३.१३ ले घटेर १४ करोड १६ लाख १५ हजार रुपैयाँ पुगेको छ । गत वर्षको यही अवधिमा संस्थाको सञ्चालन मुनाफा २४ करोड ९० लाख रूपैयाँ रहेको थियो ।
पहिलो त्रैमाससम्म आइपुग्दा संस्थाको खुद व्याज आम्दानी पनि ७.४३ प्रतिशतले घटेर ३३ करोड २४ लाख ६४ हजार रुपैयाँ पुगेको छ ।
त्यसैगरी, कम्पनीको चुक्ता पुँजी १ अर्ब १५ करोड ६२ लाख रुपैयाँ र जगेडा कोषमा ९६ करोड ४ लाख ५७ हजार रुपैयाँ रहेको छ ।
समिक्षा अवधिमा संस्थाको बार्षिकृत प्रतिसेयर आम्दानी (ईपीएस) १५।७५ रुपैयाँले घटेर ३४.२९ रुपैयाँ पुगेको छ भने संस्थाको प्रतिसेयर नेटवर्थ २७५ रुपैयाँ २८ पैसा रहेको छ ।
वि.सं.२०७९ कात्तिक २८ सोमवार १२:४३ मा प्रकाशित
