काठमाडौं । नेपाल स्टक एक्सचेञ्ज (नेप्से)ले दुई निर्जिवन बीमा कम्पनीको शेयर कारोबार फुकुवा गरेको छ । नेप्सेले प्रिमियर इन्स्योरेन्स र प्रभु इन्स्योरेन्सको कारोबार खुल्ला गरेको हो ।
प्रिमियर इन्स्योरेन्स र सिद्धार्थ इन्स्योरेन्सबीच मर्जरमा जाने सम्झौता भएसँगै नेप्सेले प्रिमियरको शेयर कारोबार रोक्का राखेको थियो । त्यस्तै, प्रभु इन्योरेन्स र अजोड इन्स्योरेन्सबीच मर्जरमा जाने सहमति भएसँगै प्रभुको पनि शेयर कारोबार रोक्का राखेको थियो ।
धितोपत्र बोर्डले मर्जरमा गएका कम्पनीको समेत कारोबार खुलाउने गरी निर्देशका जारी गरेपछि दुई बीमा कम्पनीले कारोबार खोल्न नेप्सेमा निवेदन दिएका थिए।
सोही अनुसार नेप्सेले यी दुवै कम्पनीको आधारभूत शेयरधनी बाहेकका शेयरधनीको शेयर कारोबार आज देखि फुकुवा गरिदिएको हो । सो कम्पनीहरुको शेयर अब आइतबारदेखि नै दोस्रो बजारमा कारोबार गर्न मिल्नेछ ।
वि.सं.२०७९ मंसिर १५ बिहीवार १५:३६ मा प्रकाशित
