काठमाडौं । सुपर मादी हाइड्रोपावरको आइपीओमा २९ करोड १८ लाख ८६ हजार रुपैयाँ बराबरको आवेदन परेको छ ।
सीडीएसका अनुसार आज पहिलो दिन सोमबार साँझसम्ममा २ लाख ४७ हजार १४२ जनाले २९ लाख १८ हजार ८६० कित्ताका लागि आवेदन दिएका हुन् । यो मागभन्दा १.६७ गुणा बढी आवेदन हो ।
कम्पनीले आज माघ ९ गतेदेखि सर्बसाधारणलाई १७ लाख ४३ हजार कित्ता शेयर निष्काशन गर्न गरेको हो । यसमा लगानीकर्ताले माघ १२ गतेसम्म आवेदन दिन सक्नेछन्। लगानीकर्ताले न्यूनतम १० कित्ता शेयरका लागि आवेदन दिनु पर्नेछ भने अधिकतममा ५० हजार कित्ताका लागि आवेदन दिन सक्नेछन्।
कम्पनीको शेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ। कम्पनीको आईपीओमा नेपाल धितोपत्र बोर्डबाट स्वीकृती प्राप्त गरी सम्पूर्ण आस्बा सेवा दिइरहेका बैंक तथा वित्तीय संस्था र तिनका तोकिएको शाखा कार्यालयबाट सि आस्बा प्रणालीबाट आवेदन दिन सकिनेछ।
यस कम्पनीले कास्की जिल्लाको मादी गाउँपालिकाको सिमाना भएर बग्ने मादी नदीको बहाव सदुपयोग हुने गरी ४४ मेगावाट क्षमताको सुपार मादी जलविद्युत आयोजना निर्माण गरिरहेको छ।
वि.सं.२०७९ माघ ९ सोमवार १८:०३ मा प्रकाशित
