काठमाडौं । गुराँस लघुवित्तले वार्षिक साधारण सभा बोलाएको छ । सभा भेडेटार भिलेज रिसार्ट, धनकुटामा पुस १८ गते बिहान ११ बजेदेखि सुरु हुनेछ । लघुवित्तले यो पटक लाभांश वितरण गरेको छैन । कम्पनीले गत आर्थिक वर्षको नाफाबाट लाभांश वितरण नगरी सञ्चितिमा राख्ने निर्णय गरेको छ ।
सोही कारण यसपटक कम्पनीका सेयरधनीको हात खाली हुने भएको छ । सभामा अन्य बैंक तथा वित्तीय संस्थाहरुसँग गाभ्ने/गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव रहेको छ ।
आर्थिक वर्ष २०७९/८० को वासलात, नाफा/नोक्सान र नगद प्रवाहमाथि छलफल हुनेछ । आर्थिक वर्ष २०८०/८१ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि रहेको छ । सभा प्रयोजनार्थ कम्पनीले पुस ४ गते बुक क्लोज गर्ने भएको छ । यसर्थ, पुस ३ गतेसम्म कायम सेयरधनीले साधारण सभामा भाग लिन सक्नेछन् ।
वि.सं.२०८० मंसिर २६ मंगलवार १०:२० मा प्रकाशित
