काठमाण्डौं । भारतीय विदेशमन्त्री सुष्मा स्वराजको निमन्त्रणामा अर्थमन्त्री विष्णुप्रसाद पौडेल तीनदिने भारत भ्रमणमा जाने भएका छन् ।
पौडेल माघ २४ गते भारत जाने र २६ गते फर्कने गरी भ्रमण कार्यक्रम तयार पारिएको अर्थमन्त्रीका प्रेस सल्लाहकार मोहन चापागाईंले बताएका छन ।
भारतमा रहँदा अर्थमन्त्री पौडेलले भारतीय विदेशमन्त्री स्वराजसँगै वित्तमन्त्री अरुण जेट्लीसँग पनि भेटवार्ता गर्नेछन् । दुईपक्षीय आर्थिक सहायता र साझेदारीका विषयमा अर्थमन्त्रीले भारतीय मन्त्रीहरुसँग छलफल गर्ने कार्यक्रम रहेको चापागाईंले बताए । यसका साथै, अर्थमन्त्रीको भ्रमणको बेलामा प्रधानमन्त्री ओलीको भारत भ्रमणको मिति तय हुने प्रधानमन्त्रीको निजी सचिवालयलले जनाएको छ ।
माघ १७, २०७२/ ८.००
वि.सं.२०७२ माघ १७ आइतवार १०:२८ मा प्रकाशित
