काठमाडौं । सोसाइटी अफ् ट्राभल एण्ड टूर अपरेटर्स (सोट्टो) नेपाल नवौं बार्षिक साधारणसभाले अनिल लामाको नेतृत्वमा सर्वसम्मत नयाँ कार्यसमिति चयन गरेको छ । पुष २ गते शनिवार सम्पन्न साधारणसभाले प्रथम उपाध्यक्षमा भोला खड्का, द्वितीय उपाध्यक्षमा मधुसुदन उपाध्याय, महासचिवमा नारायण पराजुली, सचिवमा भुवन पाण्डे, कोषाध्यक्षमा मानबहादुर शाही र सह–कोषाध्यक्षमा रेश्मा रन्जितलाई चयन गरेको छ । त्यसैगरि सदस्यहरुमा ध्रुबकुमार लुईंटेल, दिनेश बस्नेत, देवराज खनाल, मनोजकुमार चौधरी, कमल जीसी, अर्जुनप्रसाद अधिकारी र विष्णुप्रसाद भण्डारी चयन भएका छन् ।
दुई वर्षे कार्यकाल रहने सोट्टो नेपालमा १७ सदस्यीय कार्यसमिति रहने व्यवस्था छ । जस्मा निवर्तमान अध्यक्ष यमबहादुर खड्का कार्यसमितिको सदस्य रहनेछन् भने दुई सदस्य नयाँ कार्यसमितिले चयन गर्नेछ ।
नवनिर्वाचित अध्यक्ष लामाले विगतमा भएको राम्रो काम र व्यवसायीहरुको समस्या समाधानका लागि आफ्नो कार्यकाल निकै चुनौतिपूर्ण रहेको बताए । तर त्यसलाई सहज रुपमा पार लगाउन आफु सक्षम हुने उको विश्वास थियो ।
निवर्तमान अध्यक्ष यमबहादुर खड्काले देशका विभिन्न स्थानको पर्यटनको प्रबद्र्धनात्मक कार्यक्रमलाई कार्यक्रममा सबैले प्रशंसा गरेका थिए । उनले पछिल्लो समय गरेको कर्णालीको गाभर भ्यालि(राराबास) देखि रारा टुर प्याकेजले त्यस क्षेत्रमा ल्याएको पर्यटकको आगमनलाई सबैले मुक्तकण्ठले प्रशंशा गरेका थिए ।
खड्काको नेतृत्वमा लुम्बिनीदेखी प्यूठानको स्वर्गद्धारीसम्म लगायत आन्तरिक पर्यटनको प्रबद्र्धनमा उल्लेखनीय योगदानका साथै बाह्य पर्यटन प्रबद्र्धनमा पनि उत्तिकै योगदान पुर्याएका थिए ।
प्रकाशित मितिः २०७३ पुस ३
वि.सं.२०७३ पुस ३ आइतवार १९:११ मा प्रकाशित
