काठमाण्डौं । बुटवल पावर कम्पनीको २४ औं साधारण सभाले ७ प्रतिशत बोनस सेयर तथा २० प्रतिशत नगद लाभांस वितरणको प्रस्ताब पारित गरेको छ । साथै साधारणसभाले धितोपत्र बोर्डले तोकेको शर्त तथा मापदण्ड पुरा गरेर नयाँ सेयर (एफपिओ) निष्कासन गर्ने प्रस्ताव पनि अनुमोदन गरेको छ ।
साथै अघिल्लै साधारणसभाबाट ४० लाख ८१ हजार कित्ता थप नयाँ सेयर निष्काशनको प्रस्ताव गरेकोे कम्पनीले एफपिओ निष्कासन गर्न धितोपत्र बोर्डले तोकको शर्त तथा मापदण्ड पुरा गर्ने भएको छ ।
जलविद्युत लगायतका कम्पनीलाई थप नयाँ सेयर निष्कासन तथा हकप्रद जारी गर्न धितोपत्र बोर्डले नयाँ शर्त र मापदण्ड तयार पारेपछि कम्पनीको एफपिओको प्रक्रिया रोकिएको थियो ।
हाल कम्पनीको चुक्ता पूँजी १ अर्ब ६७ करोड रुपैयाँ रहेको छ । बोनस शेयर जारी गरेपछि कम्पनीको चुक्ता पूँजी १ अर्ब ७९ करोड पुग्नेछ ।
८ पुस।र २०७३, १।४५
वि.सं.२०७३ पुस ८ शुक्रवार १३:५६ मा प्रकाशित
