काठमाडौ । यो साताको नेप्से परिसूचक पहिलो दिनको तुलनामा ९१.३५ अंकले बढेर अन्तिम दिन १३४३.८५ अंकमा पुगेको छ ।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा २०.७५ अंकले बढेर २९२.५२ अंकमा आईपुगेको छ ।
यस साता नेपाल स्टक एक्सचेन्जमा १५५ कम्पनीहरुको कारोबार भएको छ । जस अनुसार २९३२७ कारोबारबाट दुई अर्ब ५८ करोड १४ लाख १५ हजार रुपैयाँ बराबरका ७९ लाख सात हजार सात सय २० कित्ता सेयरहरु खरिद बिक्री भएका छन् । कारोबार रकम गत साताको भन्दा ४८.३८ प्रतिशत बढि हो । गत साता १५६ कम्पनीहरुको कारोबार भएको थियो । जस अनुसार २०००५ कारोबारबाट एक अर्ब ७३ करोड ९६ लाख ९१ हजार रुपैयाँ बराबरका एक करोड ८८ लाख ८१ हजार २० कित्ता सेयरहरु खरिद बिक्री भएका थिए ।
यस साता कारोबार रकम (१२ करोड ९१ लाख २० हजार रुपैयाँ) को आधारमा प्रभु बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (नौ लाख १२ हजार कित्ता) को आधारमा लक्ष्मी भ्याल्यु फण्ड १ अग्रस्थानमा रहेको छ । त्यसैगरी कारोबार संख्या (१८०४ वटा) को आधारमा प्रभु बैंक लिमिटेड अग्रस्थानमा रहेको छ ।
यस साता नेपाल स्टक एक्सचेन्जको कारोबार कक्ष नियमित कारोबारका लागि पाँच दिन खुला रह्यो । यस साता पनि ऋणपत्रतर्फ संस्थागत तथा सरकारी ऋणपत्रहरुको कुनै पनि कारोबार भएन ।
प्रकाशित मितिः २०७३ फागुन ७
वि.सं.२०७३ फागुन ७ शनिवार १४:०८ मा प्रकाशित
